LAGU POP BATAK SEPANJANG TAHUN, alphabet “H”

 

 

LAGU POP BATAK SEPANJANG TAHUN, alphabet “H”

BATAK POP SONGS YEAR AROUND, (H)

 

1. HASIAN

(KEKASIHKU;

MY DARLING)

Cipt.: Dakka Hutagalung

 

Hasian pajonok ma tuson, asa boi hutiop gomos

Tangihon ma dison, di pusu-pusungkon

Sada soara na mandok, nahuhaholongi ho

 

Hasian paeleng jot u au, asa boi hutatap bohimi

Lambok jala nanget, hugalmit hurummi

Laos husiphononhu ma, na huhaholongi ho

 

Reff: Dok ma tu au na olo ho di au

Dok ma tu au holong roham di au

Dok ma tu au hatop, dok ma tu au

Asa tibu au ro mangalap ho

 

 

1. HILALA MA DI ROHAMI

(RASAKAN DI HATIMU;

TRY TO FEEL IN YOUR HEART)

Cipt.: Hamzah S

 

Uanang sungkun au ito taringot holong

Rohami do manghilala di bagasan

Manang boha doboto ho doi

Hilala ma ito dibagasan rohami

 

Aut sugari ma ito boi idaonmu

Ate-atengki mandok holong ni roha

Tarsongon aek mual na tioi

Manorus do ito lambok di rohangki

 

Reff: Ida ma sinondang ni bulani, tung lambok doi

Songoni ma holongki lao mangadopi ho,

Unang sai holssoan ho, taringot holongki

Hilala ma ito di bagasan rohami

 

 

 

1. HOLAN HO DI ROHANGKI

(HANYA ENGKAU DI HATIKU;

THE ONLY YOU IN MY HEART)

Cipt.: Don Kinol S

 

Boan au da hasian manang tudia pe ho lao

Naeng nian au di lambungmu

Tung satongkin pe ito

Unang tinggalhon au sasada au

 

Holan ho di rohangki, ai holan hi di nipingki

Tung magargar pusuk buhit

Holong na di rohangki

Ndang na lao muba sian ho

 

Reff: Aut sura boi ma nian, dungdunghononhu bulani

Surathononhu ma disi isi ni rohangki

Asa tangkas dijalo ho, aasa tangkas diboto ho

Tung soadsa hasian na asing sian ho

Coda:

Ho ma di au, au ma di ho

Hita nadua (3x) gabe sada

 

 

1. HOLAN HO SAMBING DO

(HANYA DIKAU;

ONLY YOU)

Cipt.: ??

 

Holan ho sambaing do napasonang rohangki

Hansit parir hutaon doi, molo so boi ho ro

 

Ndang adong hutanda biar parmaraan pe

Sudenai hutaon doi holan humophop ho ito

 

Reff: Molo naeng lao ma ho tu luat na dao

Di rohami boan au, mandongani ho ro

 

Asa sotung lupa ho di au on na dangol on

Tagam mai sap[atangki, molo tinggalhononmu au

 

 

 

1. HOLONG MASIHAHOLONGAN

(SALING MENGASIHI:

LOVE IN LOVE)

Cipt.: Bonar Hutajulu

 

Aha do ito da hasian na solot di rohami

Dia do ito na sai ngotngot di ate-atemi

Umbaen na sai murhing bohim tu au

Pamerengmi pe hasian sabi marnida au

 

Palambas ma roham molo adong nasala pambaenanhu

Sai unang ma ito alani hansit roham tu au

Masipaingotan hita hasian

Di angka na hurang na lobi masianjuan

 

Reff: Unang lupa ho da hasian, di sasude padanta ujui

Ingkon masianjuan satahi saoloan

Asa rap sonang hita nadua hasian

Holong masihaholongan ro din a sari matua

Coda:

Holong masihaholongan ro din a sari matua

 

 

1. HOLONG NA DI ROHANGKI

(KASIH SAYANG DALAM HATIKU;

LOVE IN MY HEART)

Cipt.: Tigor Gipsy marpaung

 

Holong na di rohangki, tung na so muba so mose bei da hasian

Tung dao pe ito sian au, alai rohangki sai hot doi

Di nipingki pe ito sai rot u ho

 

Tarsonggot do au da ito

Tarhatotong songon na maoto au hasian

Di suratmi namandok laho mangoli ma ho hape ito

Tinggal ma ahu hasian na dangolon

 

Reff:

Gabe sega do ahu da ito, ala ni pambahenanmi

Ndang tagamon nanggo sapata

Ai ho na mambahen na so denggan

Tung hansit pe pambaenmi ito, ro do au tu pestami

Borat pe langkangki, na ro do au tusi

Marnida pamasu-masuonmi

 

 

 

1. HOLSO NI PARSARIPEON

(YANG DITAKUTKAN KELUARGA;

WORRIED OF FAMILY)

Cipt.: Bonar Hutajulu

 

Marragam do tahe holso ni parsaripeon

Adong doi na marsak mamingkiri ianakhon

Adong main a deba ala ni partondongon

Alai gumodang mai alani parhepengon

 

Marragam do tahe sursar ni parsaripeon

Adong doi na sega ala ni parjokeron

Adong mai muse ala ni pardiskoon

Alai gumodang mai ala ni harorangon

 

Reff:

Ipe hamu ale amang, tarlumobi hamu ale inang

Manta-manat hamu disi, tanggung jawab tu rumatanggai

Molo dung sala langka ni ama, sega muse langka ni ina

Ndang tarhatahon bei, ujung ni parsaripeoni

Dagoi amang hansitnai

 

Coda:

Dagoi amang sursarnai, dagoi amang seganai

Dagoi amang sursarnai.

 

 

1. HUANDUNG MA DAMANG

(SENANDUNGKU UNTUKMU AYAH;

I CRY FOR YOU DADDY)

Cipt.: ??

 

03 3 2 .1 15 .5 1 11 2 .3 3 .

Huandung ma damang, amang siadopan

Amang rabi-rabi, amang opan-opan

Babiat di huta, gompul di balian

Natanda di adian, songon hoda sibolang

 

Beha ma pangandunghu di damang, da damang na huadopi

Da parroha simulak-mulak, parsiturian naso hajalopan

Molo huparningothon do amang, da damang na huadui

Na lambok pusui, tu au lapa-lapai, hei hei

 

Nasungkot so naginjangi ma au, na ponjot so naboloni

Aut nabinahen ni ginjangku ma au,da boi do paundukonhi

Aut na binahen ni bolonhu ma au, da boi do pajorbingonhi

Nunga pinaginjang ni na dangol au, pinabolon ni nahansit, hei, hei

 

Na so barani pulut do au, maniop sirumantori

Manang manio siusuron, manimbung silumallani

Asa adong damang, di si mangarudoki

Di dalan haroburonhi, tu toru ni situmandoki, hei hei

 

 

1. HUTATAP MA LOBU TUA

(KU MEMANDANG ARAH LOBUTUA;

BEAUTIFUL VIEW IN LOBUTUA)

Cipt.: ??

 

Hutatap ma Lobutua na dao

Hutailihon Lobutolo na daoi, mansai dao

Marnida angka dongan magodangki

Tarilu-ilu ma simalolong, sapatangki amang tu ho

 

Huboto do tahimi ale amang

Naeng patogu parpamilioni, umbahen au dipaksa ho

Ala so silomo ni rohangki ale amang

Naeng hutuntun be hutadingkon, na so jadi au tusi

 

Reff: Naeng marhasohotan au dipaksa ho

Tu si boru ni datulang maenmi ale amang

Mambahen rohangki tung mansai gogo

Ala ni parulanna na roai, sapatangki amang tu ho

 

Sombu ma rohami amang parsinuan

Ai namanimbung nama au tu lombangan ale amang

Asa tinggal ma hamu ale amang

Ai rohangki sai naeng tu ho

 

Hutatap ma ombun namargogoti

Diombus angin gabe mansai boratma sinondang ni bulani

 

Reff. 2: Tumagon nama au lao tu na dao

Tu silomo ni roha, tinggal ma ho ale amang

Hubuat ma lomongku manang ise pe

Asal ma tu na denggan jala ture

Haholonganhu do muse

 

 

1. HUTONGOS SURATHU

(KUKIRIM SURAT UNTUKMU;

I SENT MY LETTER)

Cipt.: Tilhang Gultom

 

5 3 . . 23 43 . 2 321 . 5 3 . . 23 4

Hutongos surathu tu ho, disi hutonahon do ho

Porlu ingkon ro ho ito, porlu situtu ingkon ro ho ito

 

Isi ni surathu tu ho, disi hupaboa ito

Molo tung so boi ho ro, suratmu ma baen,

lao paboa ma tu au

 

Reff: Kabar agin nahubege ito,

adong na can dapot ho dina dao

uli situtu gabe tata roham

tu au anak ni napogoson

Molo na tutu do ito, adong dapot ho di nadao

Tangkas ma pingkiri ito, ai borhat ma au

Mangalua tu na dao.